ഷീറ്റ്റബ്ബർ സംസ്‌ക്കരണത്തിലും തരംതിരിക്കലിലും പരിശീലനം
റബ്ബർ ബോർഡിന്റെ കീഴിലുള്ള നാഷണൽ ഇൻസ്റ്റിറ്റ്യൂട്ട് ഫോർ റബ്ബർ ട്രെയിനിങ് (എൻ.ഐ.ആർ.റ്റി.) ഷീറ്റ് റബ്ബർ സംസ്‌ക്കരണം, തരംതിരിക്കൽ എന്നിവയിൽ ഡിസംബർ 21, 22 തീയതികളിൽ പരിശീലനം നടത്തുന്നു. റബ്ബർപാൽസംഭരണം, ഷീറ്റ് റബ്ബർനിർമ്മാണം, പുകപ്പുരകൾ, ഗ്രേഡിങ് സംബന്ധിച്ച ‘ഗ്രീൻബുക്ക്’ നിബന്ധനകൾ എന്നിവയാണ് പരിശീലനവിഷയങ്ങൾ. പരിശീലനമാധ്യമം ഇംഗ്ലീഷ് ആയിരിക്കും.
റബ്ബർവ്യാപാരികൾ, കർഷകർ, റബ്ബർസംസ്‌കരണത്തിൽ ഏർപ്പെട്ടിരിക്കുന്നവർ, റബ്ബർ ഉപഭോക്താക്കൾ തുടങ്ങിയവർക്കെല്ലാം പരിശീലനം പ്രയോജനപ്പെടും. പരിശീലനം സംബന്ധിച്ച കൂടുതൽ വിവരങ്ങൾക്ക് 04812353127 എന്ന ഫോൺ നമ്പറിലോ 04812353201 എന്ന വാട്‌സ്ആപ്പ് നമ്പറിലോ ബന്ധപ്പെടാം. ഇമെയിൽ : training@rubberboard.org.in