ഗുരുവായൂരപ്പനും അയ്യപ്പനും വഴിപാടായി 45 പവൻ്റെ കിരിടം

ഗുരുവായൂരപ്പനും അയ്യപ്പനും വഴിപാടായി 45 പവൻ്റെ കിരീടം ഭക്തൻ ഗുരുവായൂർ ക്ഷേത്രത്തിൽ വഴിപാടായി സമർപ്പിച്ചു. ഗുരുവായൂർ ഏകാദശിയോട് അനുബന്ധിച്ചുള്ള ഏകാദശി വിളക്ക് രണ്ടാം ദിനത്തിലാണ് പൊന്നിൻ കിരീടം സമർപ്പിച്ചത്.

തിരുവനന്തപുരം സ്വദേശി നാഥൻ മേനോൻ ആണ് രണ്ടു കിരീടങ്ങളും സമർപ്പിച്ചത്. പ്രഭാവലയം ഉള്ള ചുവന്നകല്ല് ചാരുതയേകിയ കിരീടം ഗുരുവായൂരപ്പനും നീല കല്ല് പതിച്ച കിരീടം അയ്യപ്പനും ചാർത്തി. ഗുരുവായൂർ ക്ഷേത്രം മേൽശാന്തി ശ്രീനാഥ് നമ്പൂതിരി കിരീടം ഏറ്റുവാങ്ങി.