തെലങ്കാന ഗവർണർ ഡോ.തമിഴിസൈ ഗുരുവായൂരിൽ ദർശനം നടത്തി

പുതുച്ചേരി ലെഫ്.ഗവർണറുടെ ചുമതല കൂടി വഹിക്കുന്ന തെലങ്കാന ഗവർണർ ഡോ.തമിഴിസൈ സൗന്ദരരാജനും കുടുംബവും ഗുരുവായൂർ ക്ഷേത്ര ദർശനം നടത്തി. ബുധനാഴ്ച രാത്രി ശ്രീവൽസം അതിഥിമന്ദിരത്തിലെത്തിയ ഗവർണറെ ദേവസ്വം അഡ്മിനിസ്ട്രേറ്റർ കെ.പി.വിനയൻ, മാനേജർ പ്രമോദ് കളരിക്കൽ, ദേവസ്വം ജീവനക്കാർ എന്നിവർ ചേർന്ന് സ്വീകരിച്ചു.

രാത്രി ശ്രീവൽസത്തിൽ തങ്ങിയ ഗവർണറും കുടുംബവും വ്യാഴാഴ്ച രാവിലെ അഞ്ചു മണിയോടെ ക്ഷേത്രത്തിലെത്തി തൊഴുതു. പന്തീരടി പൂജയ്ക്ക് ശേഷം നട തുറന്നപ്പോൾ വീണ്ടുമെത്തി ചെറുമകളുടെ ചോറൂൺ ചടങ്ങിലും പങ്കെടുത്തു. ഗവർണറുടെ സഹോദരി ഡോ.സൗന്ദര്യ, മകൻ ഡോ.സുഗുനാഥൻ സൗന്ദരരാജൻ, ഭാര്യ ഡോ.ദിവ്യ, ചെറുമകൾ എസ്.കവിനി എന്നിവരും ഒപ്പമുണ്ടായിരുന്നു.