കൊച്ചിയിൽ നിന്ന് ഇൻഡിഗോയുടെ ദമാം, ബഹ്‌റിൻ സർവീസുകൾ തുടങ്ങി
കൊച്ചിയിൽ നിന്ന് ദമാമിലേക്കും ബഹ്‌റിനിലേക്കും ഇൻഡിഗോ എയർലൈൻസ് പ്രതിദിന സർവീസുകൾ തുടങ്ങി. രാവിലെ ഒമ്പതിനാണ് ദമാമിലേക്കുള്ള പുറപ്പെടൽ സമയം. വൈകീട്ട് 7.35 ന് കൊച്ചിയിൽ എത്തും. രാത്രി 8.35 നാണ് ബഹ്‌റിനിലേക്കുള്ള വിമാനം പുറപ്പെടുന്നത്. രാവിലെ 6.55 ന് തിരികെ കൊച്ചിയിലെത്തും.
ഇതോടെ കൊച്ചിയിൽ നിന്നുള്ള മൊത്തം ഇൻഡിഗോ സർവീസുകളുടെ എണ്ണം 74 ആയി. ഇൻഡിഗോയുടെ ദമാം, ബഹ്‌റിൻ സർവീസുകൾ സിയാൽ മാനേജിങ് ഡയറക്ടർ എസ്.സുഹാസ് ഉദ്ഘാടനം ചെയ്തു. എയർപോർട്ട് ഡയറക്ടർ മനു ജി, കമ്പനി സെക്രട്ടറി സജി കെ.ജോർജ്, ഇൻഡിഗോ എയർപോർട്ട് മാനേജർ റോബി ജോൺ തുടങ്ങിയവർ പങ്കെടുത്തു.