ഇന്ദ്രസെന്നിന് സ്നേഹമുദ്രയായി ഗുരുവായൂരപ്പൻ്റെ പതക്കം

ഗുരുവായൂർ ദേവസ്വം ഗജവീരൻ ഇന്ദ്രസെന്നിന് ആരാധകരുടെ സ്നേഹമുദ്രയായി ഗുരുവായൂരപ്പൻ്റെ രൂപം ആലേഖനം ചെയ്ത പതക്കം. ക്ഷേത്ര കിഴക്കേ ഗോപുരത്തിനു മുന്നിൽ നടന്ന ചടങ്ങിലായിരുന്നു ഇന്ദ്ര സെന്നിന് ആദരവ്.

ദേവസ്വം ചെയർമാൻ ഡോ. വി.കെ.വിജയനും ക്ഷേത്രം തന്ത്രി പി.സി.ദിനേശൻ നമ്പൂതിരിപ്പാടും അഡ്മിനിസ്ട്രേറ്റർ കെ.പി. വിനയനും ചേർന്ന് ഇന്ദ്രസെന്നിനെ ഗുരുവായൂരപ്പൻ്റെ പൂർണരൂപമാർന്ന 

പതക്കം അണിയിച്ചു. ആഹ്ളാദവുമായി ആനപ്രേമികളും ഒത്തുകൂടി. ഇനി ഗുരുവായൂരപ്പൻ്റെ പതക്കവുമായിട്ടാണ് ഇന്ദ്ര സെന്നിൻ്റെ ഭഗവദ് സേവനം. ഇന്ദ്രസെൻ ആരാധകരുടെ നിറഞ്ഞ സാന്നിധ്യത്തിലായിരുന്നു ചടങ്ങ്.