കോഴിക്കോട് റബ്കോ പ്രദർശന വിപണന മേള തുടങ്ങി
കോഴിക്കോട് കോർപ്പറേഷൻ ഇ.എം.എസ് സ്റ്റേഡിയത്തിൽ റബ്കോ ഉത്പന്നങ്ങളുടെ മെഗാ പ്രദർശന – വിപണന മേള തുടങ്ങി.
നിയമസഭാ സ്പീക്കർ എ.എൻ. ഷംസീർ ഉദ്ഘാടനം ചെയ്തു. റബ്കോ ഉത്പന്നങ്ങൾ വിപണിയിൽ ലോകോത്തര നിലവാരം പുലർത്തുന്നതാണ്. ഉത്പന്നങ്ങളുടെ നിലവാരത്തിൽ വിട്ടുവീഴ്ചയില്ലാത്ത നിലപാടാണ് റബ്കോ തുടക്കം മുതൽ സ്വീകരിക്കുന്നതെന്നും സ്പീക്കർ പറഞ്ഞു.
മേയർ എം. ബീന ഫിലിപ്പ് അധ്യക്ഷത വഹിച്ചു. മുൻ എം.എൽ.എ വി.കെ.സി. മമ്മദ്കോയ വൈറ്റ്ഫീൽഡ് ഡയറി എം.ഡി ദീപക് മോഹൻദാസിന് നൽകി ആദ്യ വിൽപന നടത്തി. ഡിസ്ട്രിബ്യൂഷൻ സമർപ്പണം മുൻ ജില്ലാ പഞ്ചായത്ത് പ്രസിഡൻ്റ് പി.മോഹനൻ മാസ്റ്റർ നിർവഹിച്ചു. പ്രസീദ് ഏറ്റുവാങ്ങി.
ജനുവരി 15 വരെ നടക്കുന്ന മേളയിൽ റബ്‌കോയുടെ വിവിധ ഉത്പന്നങ്ങൾ വില്പനയ്ക്കുണ്ട്. റബ്കോ മെത്തകൾ, മേശ, കട്ടിൽ, കസേര, സെറ്റി തുടങ്ങിയ ഫർണിച്ചർ ഉല്പന്നങ്ങൾ, ചെരിപ്പുകൾ, റബ്കോ നൂട്രീകോയുടെ വിവിധ ഉത്പന്നങ്ങൾ, ഖാദി, ദിനേശ് തുണിത്തരങ്ങൾ, കുടകൾ തുടങ്ങിയവ മേളയിൽ ലഭ്യമാണ്.
ചടങ്ങിൽ റബ്കോ ഗ്രൂപ്പ് മാനേജിംഗ് ഡയറക്ടർ പി.വി. ഹരിദാസൻ, ഡെപ്യൂട്ടി മേയർ സി.പി. മുസാഫർ അഹമ്മദ്, കോർപ്പറേഷൻ സ്റ്റാൻഡിങ് കമ്മിറ്റി ചെയർമാൻമാരായ പി.കെ. നാസർ, പി.ദിവാകരൻ, റബ്കോ ഗ്രൂപ്പ് ചെയർമാൻ കാരായി രാജൻ, ഡയറക്ടർ ടി. വി. നിർമ്മലൻ എന്നിവർ സംസാരിച്ചു