തിരുവനന്തപുരം ശാസ്ത്ര ഭവനിൽ ജൈവ വൈവിധ്യ ദിനാചരണം

തിരുവനന്തപുരത്തെ കേരള ശാസ്ത്ര സാങ്കേതിക പരിസ്ഥിതി കൗൺസിലിൻ്റെ ആഭിമുഖ്യത്തിൽ അന്താരാഷ്ട്ര ജൈവവൈവിധ്യ ദിനം ആചരിച്ചു. ഇ.ഐ.എ.സി.പി ഹബ് കേരള, പരിസ്ഥിതി വിദ്യാഭ്യാസ പരിപാടി (ഇ.ഇ.പി) കേരളം എന്നിവയുടെ സഹകരണത്തോടെ  ശാസ്ത്ര ഭവനിലാണ് പരിപാടി സംഘടിപ്പിച്ചത്.

മുഖ്യ ശാസ്ത്രജ്ഞനും ഇ.ഐ.എ.സി.പി ഹബ് കേരളയുടെ  സംസ്ഥാന കോർഡിനേറ്ററുമായ ഡോ. പി. ഹരിനാരായണൻ ജൈവവൈവിധ്യ ദിനത്തിൻ്റെ പ്രത്യേകതകളെക്കുറിച്ച് സംസാരിച്ചു.

കണ്ണൂരിലെ ഇ.ഇ.പി ജില്ലാ കോർഡിനേറ്റർ ശശിധരൻ മനേക്കര ജൈവവൈവിധ്യ സംരക്ഷണത്തിൽ പക്ഷികളുടെ പങ്ക്  എന്നതിനെക്കുറിച്ചുള്ള സെഷനിൽ സംസാരിച്ചു. ആവാസവ്യവസ്ഥയെ നിലനിർത്തുന്നതിലും ജൈവവൈവിധ്യം സംരക്ഷിക്കുന്നതിലും പക്ഷികളുടെ നിർണായക പങ്ക് വിവരിക്കുന്ന ചർച്ച നടന്നു.

ഇ.ഇ.പി.കേരളയുടെ മുഖ്യ ശാസ്ത്രജ്ഞനും സംസ്ഥാന കോർഡിനേറ്ററുമായ ഡോ. സി. അനിൽ കുമാർ നന്ദി പറഞ്ഞു. ഇ.ഇ.പി ജില്ലാ കോർഡിനേറ്റർമാർ, ശാസ്ത്രജ്ഞർ, പ്രോജക്ട് സ്റ്റാഫ് എന്നിവർ പങ്കെടുത്തു.