ഓണത്തിന് പൂക്കളമൊരുക്കാൻ കോട്ടത്തറയിലെ പൂക്കൾ
ഓണത്തിന് കോട്ടത്തറയിൽ ചെണ്ടുമല്ലി പൂക്കൾ വിരിയും. ഈ പാടത്തെ പൂക്കൾ വീടുകളിൽ പൂക്കളമൊരുക്കും വയനാട് കോട്ടത്തറ ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തില് ഓണക്കനി നിറപ്പൊലിമ പദ്ധതിയുടെ ഭാഗമായാണ് ചെണ്ടുമല്ലി കൃഷി ആരംഭിച്ചത്. ഗ്രാമപഞ്ചായത്ത് പ്രസിഡന്റ് സി.സി. രജിത ചെണ്ടുമല്ലി തൈകള് നട്ട് പദ്ധതി ഉദ്ഘാടനം ചെയ്തു.
ഓണാഘോഷങ്ങള്ക്ക് ആവശ്യമായ പൂക്കളുടെ പ്രാദേശിക ഉത്പാദനം വര്ധിപ്പിച്ച് വനിതകള്ക്ക് അധിക വരുമാനം ഉറപ്പാക്കുന്നതിനാണ് കൃഷി ആരംഭിച്ചത്. കുടുംബശ്രീയുടെ നേതൃത്വത്തില് ജൈവ പച്ചക്കറി കൃഷി വ്യാപകമായി നടപ്പാക്കുന്നുണ്ട്. സുരക്ഷിതവും വിഷരഹിതവുമായ പച്ചക്കറികള് ഉത്പാദിപ്പിച്ച് പ്രാദേശിക വിപണിയില് ലഭ്യമാക്കുകയെന്ന ലക്ഷ്യത്തോടെയാണ് ജൈവ കൃഷി പ്രവര്ത്തനങ്ങളിലൂടെ ലക്ഷ്യമാക്കുന്നത്.
ചെണ്ടുമല്ലി കൃഷിയും ജൈവ പച്ചക്കറി കൃഷിയും സംയോജിപ്പിച്ച് കാര്ഷിക മേഖലയില് സ്വയംപര്യാപ്തത കൈവരിച്ച് കുടുംബങ്ങളുടെ വരുമാനം വര്ധിപ്പിക്കാന് കുടുംബശ്രീ പ്രവര്ത്തനങ്ങള് സഹായകരമാകും. കുടുംബശ്രീ സി.ഡി.എസ് ചെയര്പേഴ്സണ് ആശ ആന്റണി അധ്യക്ഷയായി. കൃഷിഭവന് അസിസ്റ്റന്റ് ബബിത, അഗ്രി സി.ആര്.പി രേഷ്മ തുടങ്ങിയവർ പങ്കെടുത്തു.