ശ്രീ ഗുരുവായൂരപ്പൻ ചെമ്പൈ പുരസ്കാരം സമ്മാനിച്ചു

ഗുരുവായൂർ ഏകാദശിയോടനുബന്ധിച്ചുള്ള ചെമ്പൈ സംഗീതോത്സം തുടങ്ങി. ദേവസ്വം മന്ത്രി കെ.രാധാകൃഷ്ണൻ ഉദ്ഘാടനം ചെയ്തു. മന്ത്രിക്കുവേണ്ടി ശ്രീ ഗുരുവായൂരപ്പൻ ചെമ്പൈ പുരസ്കാരം നാഗസ്വരം വിദ്വാൻ തിരുവിഴ ജയശങ്കറിന് ദേവസ്വം ചെയർമാൻ അഡ്വ. കെ.ബി.മോഹൻദാസ് സമ്മാനിച്ചു. പുരസ്കാര ജേതാവ് മറുപടി പ്രസംഗം നടത്തി. ദേവസ്വം ഭരണസമിതി അംഗം മല്ലിശ്ശേരി പരമേശ്വരൻ

നമ്പൂതിരിപ്പാട് പുരസ്കാര ജേതാവിനെ പരിചയപ്പെടുത്തി. ഭരണസമിതി അംഗങ്ങളായ എ.വി. പ്രശാന്ത്, ഇ.പി.ആർ.വേശാല, അഡ്വ. കെ.വി.മോഹന കൃഷ്ണൻ, ചെമ്പൈ സംഗീതോത്സ സബ് കമ്മിറ്റി അംഗങ്ങളായ പ്രൊഫ. വൈക്കം വേണുഗോപാൽ, തിരുവിഴ ശിവാനന്ദൻ, എൻ.ഹരി, ചെമ്പൈ സുരേഷ് എന്നിവർ ചടങ്ങിൽ സന്നിഹിതരായിരുന്നു. ദേവസ്വം ഭരണസമിതി അംഗവും മുൻ എം.എൽ.എയുമായ കെ.അജിത് സ്വാഗതവും ദേവസ്വം അഡ്മിനിസ്ട്രേറ്റർ

കെ.പി.വിനയൻ നന്ദിയും പറഞ്ഞു. ചൊവ്വാഴ്ച രാവിലെ മുതൽ സംഗീതോപാസന നടക്കും.