സിയാൽ കൾച്ചറൽ ഫോറത്തിന് തുടക്കമായി
കൊച്ചിൻ ഇന്റർനാഷണൽ എയർപോർട്ട് ലിമിറ്റഡ് കൾച്ചറൽ ഫോറത്തിന് തുടക്കമായി. വിമാനത്താവള ജീവനക്കാരുടെ കലാ-സാംസ്‌ക്കാരിക പ്രവർത്തനങ്ങൾ ഏകോപിപ്പിക്കുക, വിമാനത്താവളത്തിൽ യാത്രക്കാർക്ക് ആസ്വദിക്കത്തക്കവിധം കലാമേളകൾ സംഘടിപ്പിക്കുക എന്നിവയാണ് കൾച്ചറൽ ഫോറത്തിന്റെ ലക്ഷ്യം.
സിയാൽ മാനേജിങ് ഡയറക്ടർ എസ്.സുഹാസ് കൾച്ചറൽ ഫോറം ഉദ്ഘാടനം ചെയ്തു. എക്‌സിക്യൂട്ടീവ് ഡയറക്ടർ ജയരാജൻ വി, സി.എഫ്.ഒ സജി ഡാനിയൽ, ഫോറം കോഓഡിനേറ്റർ രാജുമോൻ പി .സി, എയർപോർട്ട് ഡയറക്ടർ മനു ജി.എന്നിവർ പങ്കെടുത്തു.
തുടർന്ന്, സിയാൽ കാർഗോവിഭാഗം ജീവനക്കാരനും കഥകളി നടനുമായ സൈബിൻ പി.ബി.യുടെ നേതൃത്വത്തിൽ കലാമണ്ഡലത്തിലെ കലാകാരൻമാർ അവതരിപ്പിച്ച ‘ശ്രീരാമ പട്ടാഭിഷേകം ‘ കഥകളി ടെർമിനൽ വണ്ണിൻ്റെ നടുമുറ്റത്ത് അരങ്ങേറി.