ബിപോർജോയ് ചുഴലിക്കാറ്റ് ഗുജറാത്ത് തീരത്തേക്ക് നീങ്ങുന്നു

അതിശക്തമായ ബിപോർജോയ് ചുഴലിക്കാറ്റ്‌ വടക്ക്-കിഴക്കൻ അറബിക്കടലിനു മുകളിൽ അതി തീവ്രചുഴലിക്കാറ്റായി  ശക്തികുറഞ്ഞു.

ജൂൺ 14 രാവിലെ വരെ വടക്ക് ദിശയിയിൽ സഞ്ചരിച്ച് വടക്ക്-വടക്ക് കിഴക്ക്  ദിശ മാറി സൗരാഷ്ട്ര, കച്ച് പ്രദേശത്തോട് ചേർന്നുള്ള പാകിസ്ഥാൻ തീരത്ത് മണ്ഡവി ( ഗുജറാത്ത്‌ ) ക്കും കറാച്ചിക്കും ഇടയിൽ  ജാഖു പോർട്ടിനു സമീപമെത്തും. ഇത് ജൂൺ 15 ന്  വൈകുന്നേരത്തോടെ പരമാവധി മണിക്കൂറിൽ150 കിലോമീറ്റർ വേഗതയിൽ കരയിൽ പ്രവേശിക്കാൻ സാധ്യതയുണ്ടെന്ന് കേന്ദ്രകാലാവസ്ഥ വകുപ്പ് അറിയിച്ചു.

കേരളത്തിൽ അടുത്ത അഞ്ച് ദിവസം വ്യാപകമായി ഇടി മിന്നലോടുകൂടിയ മഴ തുടരാൻ സാധ്യതയുണ്ട്.
അടുത്ത 24 മണിക്കൂറിൽ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.