വോട്ടർ പട്ടിക: കോഴിക്കോട് കളക്ടറേറ്റിൽ ഹെൽപ്പ് ഡെസ്ക്ക്
ആധാർ കാർഡ് വോട്ടർ പട്ടികയുമായി ബന്ധിപ്പിക്കുന്നതിനായി കോഴിക്കോട് കളക്ടറേറ്റിൽ ഹെൽപ്പ് ഡെസ്ക്ക് തുടങ്ങി. ഹെൽപ്പ് ഡെസ്ക്കിൻ്റെ ഉദ്ഘാടനം കളക്ടർ എൻ. തേജ് ലോഹിത് റെഡ്ഡി നിർവ്വഹിച്ചു.
കോഴിക്കോട് കളക്ടറേറ്റിൽ ഒന്നാം നിലയിലെ ഇലക് ഷൻ സെക് ഷനിലാണ് ഇത്‌ പ്രവർത്തിക്കുന്നത്. പൊതുജനങ്ങൾക്കും ജീവനക്കാർക്കും ഹെൽപ്പ് ഡെസ്കിൻ്റെ സേവനം പ്രയോജനപ്പെടുത്താം. വോട്ടർപട്ടികയിലെ ഇരട്ടിപ്പുകളും അപാകതകളും ഒഴിവാക്കുന്നതിന് വേണ്ടിയാണ് ആധാർ കാർഡുമായി ബന്ധിപ്പിക്കുന്നത്.
വളരെ ലളിതമായ മാർഗ്ഗങ്ങളിലൂടെ തന്നെ പൊതു ജനങ്ങൾക്ക് വോട്ടർ ഐ.ഡി യുമായി ബന്ധിപ്പിക്കാം. www.nvsp.in, വോട്ടർ ഹെൽപ്പ് ലൈൻ ആപ്പ് എന്നിവയിലൂടെ ഓൺലൈനായി ആധാർ ബന്ധിപ്പിക്കാവുന്നതാണ്.