കൊച്ചിൻ ഡ്യൂട്ടി ഫ്രീയിൽ ഗ്രേറ്റ് വിന്റർ ഷോപ്പിംഗ് ഫെസ്റ്റിവൽ

25 പവൻ സ്വർണമാണ് ബമ്പർ സമ്മാനം 

കൊച്ചിൻ ഇന്റർനാഷണൽ എയർപോർട്ടിലെ (സിയാൽ) പ്രീമിയം ഷോപ്പിംഗ് ഡെസ്റ്റിനേഷനായ കൊച്ചിൻ ഡ്യൂട്ടി ഫ്രീയിൽ മൂന്ന് മാസത്തെ ഗ്രേറ്റ് വിന്റർ ഷോപ്പിങ് ഫെസ്റ്റിവലിന് തുടക്കമായി. 2024 ജനുവരി വരെ 6500 രൂപയ്ക്കു മുകളിൽ പർച്ചേസ് ചെയ്യുന്നവരിൽ നിന്ന് തിരഞ്ഞെടുക്കുന്ന ഭാഗ്യശാലികൾക്ക്  വിവിധ സമ്മാനങ്ങളാണ് ഷോപ്പിങ് ഉത്സവത്തിന്റെ ഭാഗമായി ഒരുക്കിയിരിക്കുന്നത്.

ബമ്പർ സമ്മാനം 25 പവൻ സ്വർണമാണ്. കൂടാതെ പ്രതിവാര നറുക്കെടുപ്പിലൂടെ രണ്ടു ഭാഗ്യ ശാലികൾക്ക് ഓരോ പവൻ സ്വർണ നാണയങ്ങളും സമ്മാനമായി ലഭിക്കും. കൊച്ചിൻ ഡ്യൂട്ടി ഫ്രീ ഉപഭോക്താക്കൾക്കായി ആകെ 51 പവൻ സ്വർണമാണ് സമ്മാനമായി നൽകുന്നത്.

ഫെസ്റ്റിവൽ സീസണിൽ ലോകോത്തര ഉൽപ്പന്നങ്ങളുടെ വിപുലമായ ശേഖരമാണ് കൊച്ചിൻ ഡ്യൂട്ടി ഫ്രീ ഒരുക്കിയിരിക്കുന്നത്. സിയാൽ വഴി കടന്നു പോകുന്ന രാജ്യാന്തര യാത്രക്കാർക്ക് വൈവിധ്യമാർന്ന പ്രീമിയം പെർഫ്യൂം, മിഠായികൾ, ബെവറേ ജസ്, ഫാഷൻ ഉൽപ്പന്നങ്ങൾ എന്നിവ മിതമായ നിരക്കിൽ ലഭിക്കും.

ആഘോഷങ്ങളുടെ ഭാഗമായി കൊച്ചിൻ ഡ്യൂട്ടി ഫ്രീ ഫെഡറൽ ബാങ്കുമായി സഹകരിച്ച് ഉപഭോക്താക്കൾക്കായി സവിശേഷ ഇളവുകളും നൽകുന്നുണ്ട്. ഫെഡറൽ ബാങ്ക് കാർഡുകൾ ഉപയോഗിച്ച് പർച്ചേസ് ചെയ്യുന്നവർക്ക് 10 ശതമാനം ഇളവ് ലഭിക്കും.