ക്ഷീരസഹകാരി, ഡോ.വര്‍ഗീസ് കുര്യന്‍ അവാര്‍ഡുകള്‍ക്ക് അപേക്ഷിക്കാം
മികച്ച ക്ഷീരകര്‍ഷകര്‍ക്കുള്ള ക്ഷീരസഹകാരി അവാര്‍ഡിനും ക്ഷീരസഹകരണ സംഘങ്ങള്‍ക്കുള്ള ഡോ. വര്‍ഗീസ് കുര്യന്‍ അവാര്‍ഡിനും അപേക്ഷിക്കാം. 2022-23 സാമ്പത്തിക വര്‍ഷത്തെ പ്രവര്‍ത്തന മികവിന്റെ പശ്ചാത്തലത്തില്‍ സംസ്ഥാനം, മേഖല, ജില്ലാടിസ്ഥാനത്തില്‍ ജനറല്‍, വനിത, എസ്.സി, എസ്.ടി വിഭാഗത്തില്‍ ഉള്‍പ്പെട്ട ക്ഷീരകര്‍ഷകരെ ക്ഷീര സഹകാരി അവാര്‍ഡിന് തെരഞ്ഞെടുക്കും.
2022-23 സാമ്പത്തിക വര്‍ഷത്തെ പ്രവര്‍ത്തന മികവിന്റെ ഭാഗമായി കേരളത്തിലെ ഏറ്റവും മികച്ച അപ്കോസ്/നോണ്‍ അപ്കോസ് ക്ഷീരസംഘങ്ങള്‍ക്ക് ‘ഡോ. വര്‍ഗീസ് കുര്യന്‍’ അവാര്‍ഡ്’ നല്‍കും.
തെരഞ്ഞെടുക്കപ്പെടുന്ന 52 ക്ഷീരകര്‍ഷകര്‍ക്കും ക്ഷീരസഹകരണ സംഘങ്ങള്‍ക്കും ബഹുമതി പത്രവും ക്യാഷ് അവാര്‍ഡും ലഭിക്കും.
കൂടുതല്‍ വിവരങ്ങള്‍ക്ക് ബ്ലോക്ക് അടിസ്ഥാനത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുമായി ബന്ധപ്പെടണമെന്ന് ഡയറക്ടര്‍ അറിയിച്ചു. ഫെബ്രുവരി 16,17 തീയതികളില്‍ ഇടുക്കിയില്‍ നടക്കുന്ന പടവ് 2024 വേദിയില്‍ അവാര്‍ഡുകള്‍ നൽകും. ഫോണ്‍: 0471-2445749, 2445799.