കൊച്ചിൻ ഡ്യൂട്ടിഫ്രീ: ലക്കിഡ്രോ സമ്മാനങ്ങൾ വിതരണം ചെയ്തു
കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്റെ (സിയാൽ) അനുബന്ധ സ്ഥാപനമായ കൊച്ചിൻ ഡ്യൂട്ടി ഫ്രീ ആൻഡ് റീട്ടെയിൽ സർവീസസ് ലിമിറ്റഡ് മെഗാ പ്രൊമോഷന്റെ ഭാഗമായി നടത്തിയ ലക്കിഡ്രോ വിജയികൾക്കുള്ള സമ്മാനങ്ങൾ വിതരണം ചെയ്തു. 2022 ഓഗസ്റ്റ് ഒന്നു മുതൽ ഡിസംബർ 31 വരെ കൊച്ചിൻ ഡ്യൂട്ടി ഫ്രീയിൽ നിന്ന് സാധനങ്ങൾ വാങ്ങിയ യാത്രക്കാർക്കായാണ് നറുക്കെടുപ്പ് നടത്തിയത്.
വിജയിയായ ലൗലി വർഗീസ് (പുളിമൂട്ടിൽ ഹൗസ്, വെള്ളയാംകുടി പി.ഒ, കട്ടപ്പന, ഇടുക്കി), മെഗാ സമ്മാനമായ സ്‌കോഡ കുഷാക്ക് കാറിന്റെ താക്കോൽ സിയാൽ മാനേജിംഗ് ഡയറക്ടർ എസ്. സുഹാസിൽ നിന്ന് ഏറ്റുവാങ്ങി. 2023 ജനുവരി കസ്റ്റംസ് ഡെപ്യൂട്ടി കമ്മീഷണർ വിജേഷ് കുമാർ ടി.ജി.യാണ് നറുക്കെടുപ്പ് നടത്തിയത്.
സിയാൽ എക്‌സിക്യൂട്ടീവ് ഡയറക്ടർ സജി കെ. ജോർജ്, ഡ്യൂട്ടി ഫ്രീ ഓപ്പറേഷൻസ് മേധാവി ജേക്കബ് ടി. എബ്രഹാം, കസ്റ്റംസ് ഡെപ്യൂട്ടി കമ്മീഷണർ വിജേഷ് കുമാർ ടി.ജി, സിയാലിലെ മറ്റ് മുതിർന്ന ഉദ്യോഗസ്ഥർ എന്നിവരും ചടങ്ങിൽ പങ്കെടുത്തു.