സിയാൽ ഡ്യൂട്ടി ഫ്രീ സമ്മാനദാനം നടത്തി
കൊച്ചിൻ ഇന്റർനാഷണൽ എയർപോർട്ട് ലിമിറ്റഡിന്റെ ഉപസ്ഥാപനമായ സിയാൽ ഡ്യൂട്ടിഫ്രീ ആൻഡ് റീട്ടെയിൽ സർവീസസ് ലിമിറ്റഡ് സോളൻ ചോക്ലേറ്റും ആൽഫ-ക്രിയോൾ (ഇന്ത്യ) പ്രൈവറ്റ് ലിമിറ്റഡും ചേർന്ന് നടത്തിയ ‘സോളൻ ചോക്ലേറ്റ് മെഗാ പ്രൊമോഷൻ’ ഭാഗ്യ നറുക്കെടുപ്പിൻ്റെ സമ്മാനദാനം നടത്തി.
റോയൽ എൻഫീൽഡ് കോണ്ടിനെന്റൽ ജി.ടി – 650 ബൈക്കായിരുന്നു മെഗാ സമ്മാനം. കുശൻ എം.കെ.യാണ് നറുക്കെടുപ്പിൽ വിജയിയായത്. സി.ഡി.ആർ.എസ്.എൽ സംഘടിപ്പിച്ച ചടങ്ങിൽ ബൈക്കിന്റെ താക്കോൽ കുശൻ എം. കെയുടെ ഭാര്യ അനിത കുശൻ, സിയാൽ എം.ഡി, എസ്. സുഹാസിൽ നിന്ന് ഏറ്റു വാങ്ങി. സി.ഡി.ആർ.എസ്.എൽ എം.ഡി, സജി കെ. ജോർജ്, സിയാൽ സി.എഫ്.ഒ, സജി ഡാനിയൽ, എയർപോർട്ട് ഡയറക്ടർ (ഇൻചാർജ്) മനു ജി., സി.ഡി.ആർ.എസ്.എൽ സി.എഫ്.ഒ. ലെന്നി സെബാസ്റ്റൈൻ എന്നിവർ പങ്കെടുത്തു.