കുട്ടികളെ വിസ്മയിപ്പിച്ച് കടലും കോസ്റ്റ് ഗാർഡ് കപ്പലും
ആദ്യമായി കപ്പൽ കണ്ടപ്പോൾ അവർക്ക് അത്ഭുതമായിരുന്നു. കപ്പലിനകത്ത് കയറി എല്ലാ ഭാഗങ്ങളും കണ്ടപ്പോൾ അവർ ആഹ്ലാദിച്ചു. കോഴിക്കോട്‌ ബേപ്പൂര്‍ ഇന്റർനാഷണൽ വാട്ടര്‍ ഫെസ്റ്റിന്റെ ഭാഗമായി തീരത്തെത്തിച്ച ഇന്ത്യന്‍ കോസ്റ്റ് ഗാര്‍ഡിന്റെ ‘അർണവേഷ്’കപ്പല്‍ കാണാന്‍ നിരവധി വിദ്യാര്‍ത്ഥികള്‍ എത്തി. എസ്.പി.സി, എൻ.എസ്.എസ്, എൻ.സി.സി വിദ്യാർത്ഥികളോടൊപ്പം പരിമിതികളെ വക വെക്കാതെ ഭിന്നശേഷി വിദ്യാർത്ഥികളും ചേർന്നപ്പോൾ കാഴ്ചയുടെ മനോഹാരിത പതിന്മടങ്ങ് വർദ്ധിച്ചു.
‘അർണവേഷ്’ കാണാന്‍ ഭിന്നശേഷിക്കാരായ കുട്ടികള്‍ക്ക് പ്രത്യേക സൗകര്യമാണ് ഏര്‍പ്പെടുത്തിയത്. കുട്ടികള്‍ക്ക് സഹായവുമായി കോസ്റ്റ് ഗാര്‍ഡ് അംഗങ്ങളും ഉണ്ടായിരുന്നു. പൊതു വിദ്യാലയങ്ങളില്‍
പഠിക്കുന്നവരാണ് കുട്ടികള്‍. കോസ്റ്റ് ഗാര്‍ഡിന്റെ പ്രവര്‍ത്തനങ്ങള്‍ പൊതുജനങ്ങളെ പരിചയപ്പെടുത്താനും കപ്പലിന്റെ ഉള്‍ക്കാഴ്ചകള്‍ കാണാനും അവസരം ഒരുക്കിയിരുന്നു.
പഠിക്കുന്നവരാണ് കുട്ടികള്‍. കോസ്റ്റ് ഗാര്‍ഡിന്റെ പ്രവര്‍ത്തനങ്ങള്‍ പൊതുജനങ്ങളെ പരിചയപ്പെടുത്താനും കപ്പലിന്റെ ഉള്‍ക്കാഴ്ചകള്‍ കാണാനും അവസരം ഒരുക്കിയിരുന്നു.
മാത്രമല്ല നാവിക സേനാംഗങ്ങളുടെ പ്രവര്‍ത്തനങ്ങള്‍ അടുത്തറിയാനുമാണ് കപ്പല്‍ പ്രദര്‍ശനം നടത്തിയത്. നാവികസേനയുടെ സുരക്ഷാ സജ്ജീകരണങ്ങളടക്കം പ്രദർശനത്തിൽ ഉൾപ്പെടുന്നു. പോര്‍ട്ട് ഓഫീസര്‍ അശ്വനി പ്രതാപ് നേതൃത്വം നൽകി. കോസ്റ്റൽ പോലീസ് പരിപാടിയുടെ നടത്തിപ്പും സുരക്ഷാ ക്രമീകരണങ്ങളും നടത്തി.