കൊമേഴ്ഷ്യൽ പൈലറ്റ് ലൈസൻസ്‌ ട്രെയിനിങ്: അപേക്ഷ ക്ഷണിച്ചു
തിരുവനന്തപുരം രാജീവ് ഗാന്ധി അക്കാഡമി ഫോർ ഏവിയേഷൻ ടെക്‌നോളജി 2023- 2024 അക്കാദമിക വർഷത്തെ കൊമേഴ്ഷ്യൽ പൈലറ്റ് ലൈസൻസ്‌ ട്രെയിനിങ്ങിലേക്കുള്ള ട്രെയിനികളുടെ സെലക് ഷന് അപേക്ഷ ക്ഷണിച്ചു.
ജനറൽ വിഭാഗത്തിൽ 50 ശതമാനം മാർക്കോടെ പന്ത്രണ്ടാം ക്ലാസ്സോ അല്ലെങ്കിൽ തത്തുല്യമായ കോഴ്സ്സ് പാസ്സായവർക്കും കണക്ക്, ഫിസിക്സ്, ഇംഗ്ലീഷ് കോഴ്‌സുകൾക്ക് 55 ശതമാനം മാർക്ക് വാങ്ങിയവർക്കും അപേക്ഷിക്കാം. എസ്.സി/ എസ്.ടി വിഭാഗത്തിൽ 45 ശതമാനം മാർക്കോടെ പന്ത്രണ്ടാം ക്ലാസ്സോ അല്ലെങ്കിൽ തത്തുല്യമായ കോഴ്സ്സ് പാസ്സായവർക്കും കണക്ക്, ഫിസിക്സ്, ഇംഗ്ലീഷ് കോഴ്‌സുകൾക്ക് 50 ശതമാനം മാർക്ക് വാങ്ങിയവർക്കും അപേക്ഷിക്കാം. 2023 ഏപ്രിൽ ഒന്നിന് 17 വയസ്സ് പൂർത്തിയാകുന്നവർക്കു മാത്രമാണ് അപേക്ഷിക്കാവുന്നത്. കൂടുതൽ വിവരങ്ങൾക്ക്: www.rajivgandhiacademyforaviationtechnology.org, 0471-2501814, ragaat@gmail.com.