നാല് ദിവസത്തിനുള്ളിൽ കാലവർഷം കേരളത്തിൽ എത്തിച്ചേരും

മൂന്ന് നാല് ദിവസത്തിനുള്ളിൽ കാലവർഷം കേരളത്തിൽ എത്തിച്ചേരാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.

തെക്കൻ തമിഴ് നാടിനു മുകളിൽ  ചക്രവാതചുഴി നിലനിൽക്കുന്നുണ്ട്
ഇതിന്റെ ഫലമായി കേരളത്തിൽ അടുത്ത ഏഴ് ദിവസം വ്യാപകമായി  ഇടി, മിന്നൽ, കാറ്റ് എന്നിവയോടു കൂടിയ (30-40 കിലോമീറ്റർ വേഗത) മിതമായ ഇടത്തരം മഴക്ക് സാധ്യതയുണ്ട്.

ഒറ്റപ്പെട്ട സ്ഥലങ്ങളിൽ മെയ് 28 ന് അതി തീവ്രമായ മഴക്കും 28, 29  തീയതികളിൽ  അതിശക്തമായ മഴക്കും സാധ്യതയുണ്ട്. ഒറ്റപ്പെട്ട സ്ഥലങ്ങളിൽ മെയ്‌ 28 മുതൽ ജൂൺ ഒന്നു വരെ ശക്തമായ മഴക്ക്  സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.