ഗുരുവായൂർ അഷ്ടപദി സംഗീതോത്സവം: അപേക്ഷ ക്ഷണിച്ചു

ഗുരുവായൂർ ദേവസ്വം രണ്ടാമത് അഷ്ടപദി സംഗീതോത്സവം ഏപ്രിൽ 21ന് ശ്രീ ഗുരുവായൂരപ്പൻ ഓഡിറ്റോറിയത്തിൽ നടക്കും. സംഗീതോത്സവത്തിൽ പങ്കെടുക്കാൻ കലാകാരന്മാരിൽ നിന്ന് ദേവസ്വം അപേക്ഷ ക്ഷണിച്ചു. പത്തു വയസ്സിനു മേൽ പ്രായമുള്ള അഷ്ടപദി ഗായകർക്ക് പങ്കെടുക്കാം. അഞ്ച് അഷ്ടപദിയെങ്കിലും അറിഞ്ഞിരിക്കണം. അവയുടെ വിശദവിവരം അപേക്ഷയോടൊപ്പം സമർപ്പിക്കണം.

കൂടാതെ അഷ്ടപദിയിലെ അറിവും പ്രാഗൽഭ്യവും തെളിയിക്കുന്നതിന് ഗുരുനാഥൻ്റെ സാക്ഷ്യപത്രവും കരുതണം. അഷ്ടപദി സംഗീതോത്സവത്തിൽ പങ്കെടുക്കുവാൻ ആഗ്രഹിക്കുന്ന കലാകാരന്മാർ സ്വന്തമായി തയ്യാറാക്കിയ ഫോട്ടോ പതിച്ച വിശദമായ ബയോഡാറ്റ, ഗുരുനാഥൻ്റെ സാക്ഷ്യപത്രം എന്നിവ ഉൾപ്പെടെയുള്ള അപേക്ഷ മടക്ക തപാൽ സഹിതം അയക്കണം.

അഡ്മിനിസ്ട്രേറ്റർ, ഗുരുവായൂർ ദേവസ്വം, ഗുരുവായൂർ പി.ഒ. തൃശൂർ – 680101 എന്ന വിലാസത്തിൽ നേരിട്ടോ സാധാരണ തപാലിലോ സമർപ്പിക്കാം. അപേക്ഷ ഉള്ളടക്കം ചെയ്യുന്ന കവറിന് പുറത്ത് ” അഷ്ടപദി സംഗീതോൽസവം 2023 ൽ പങ്കെടുക്കാനുള്ള അപേക്ഷ” എന്ന് എഴുതണം. അവസാന തീയതി ഏപ്രിൽ 10 വൈകുന്നേരം അഞ്ചു മണി. വിശദ വിവരങ്ങൾക്ക് 0487-2556538 Extn:  292