കോട്ടയ്ക്കൽ ആര്യവൈദ്യശാലയ്ക്ക് അഖിലേന്ത്യാ അവാർഡ്

വോളന്ററി ഹെൽത്ത് അസോസിയേഷൻ ഇന്ത്യ ഏർപ്പെടുത്തിയ അഖിലേന്ത്യാ അവാർഡ് കോട്ടയ്ക്കൽ ആര്യവൈദ്യശാലയ്ക്ക് ലഭിച്ചു. ആയുർവേദത്തിന്റെ സർവ്വതോന്മുഖമായ പുരോഗതിക്കും ആതുര സേവനമേഖലയിൽ ആര്യവൈദ്യശാല നൽകിവരുന്ന സമഗ്രസംഭാവനകൾ പരിഗണിച്ചുമാണ് അവാർഡ് നൽകുന്നത്.

ഡൽഹിയിൽ ഇന്ത്യാ ഹാബിറ്റാറ്റ് സെന്ററിൽ നടന്ന ചടങ്ങിൽ വോളന്ററി ഹെൽത്ത് അസോസിയേഷൻ ഓഫ് ഇന്ത്യ ചീഫ് എക്സിക്യൂട്ടീവ് ഭാവന. ബി. മുഖോപാധ്യായയിൽ നിന്ന് ആര്യവൈ ദ്യശാല മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ.പി.എം.വാരിയർ അവാർഡ് ഏറ്റുവാങ്ങി. വോളന്ററി ഹെൽത്ത് അസോസിയേഷൻ ഓഫ് ഇന്ത്യയുടെ സുവർണ്ണ ജൂബിലിയോടനുബന്ധിച്ച് ഏർപ്പെടുത്തിയതാണ് ഈ അവാർഡ്. Content highlights: Kottakkal Arya Vaidya Sala received the National Award instituted by Voluntary Health Association India.