കൊച്ചി അന്താരാഷ്ട്ര വിമാനത്താവളത്തിൽ രക്തദാന ക്യാമ്പ്
ലോക രക്തദാന ദിനത്തോടനുബന്ധിച്ച്‌ സിയാൽ സോഷ്യൽ ആൻഡ് ചാരിറ്റബിൾ ഫോറത്തിന്റെ ആഭിമുഖ്യത്തിൽ കൊച്ചി അന്താരാഷ്ട്ര വിമാനത്താവളത്തിൽ രക്തദാന ക്യാമ്പ് സംഘടിപ്പിച്ചു. ആലുവ ഐ.എം.എ ബ്ലഡ് ബാങ്കുമായി സഹകരിച്ചാണിത്. സിയാൽ മാനേജിങ് ഡയറക്ടർ എസ്. സുഹാസ് ക്യാമ്പ് ഉദ്ഘാടനം ചെയ്തു. നൂറ്റമ്പതിലധികം എയർപോർട്ട് ജീവനക്കാർ രക്തം ദാനം ചെയ്തു.
സോഷ്യൽ ആൻഡ് ചാരിറ്റബിൾ ഫോറം കോർഡിനേറ്റർ സോജൻ കോശി, എയർപോർട്ട് ഡയറക്ടർ മനു ജി, എച്ച്. ആർ. വിഭാഗം മേധാവി ജയരാജൻ വി., സി.എഫ്.ഒ സജി ഡാനിയേൽ, ഇലക്ട്രിക്കൽ വിഭാഗം മേധാവി രാജുമോൻ പി.സി, ഐ.എം.എ ബ്ലഡ് ബാങ്ക് ആലുവ കൗൺസിലർ വിക്ടർ, എന്നിവരും ചടങ്ങിൽ പങ്കെടുത്തു. സിയാൽ സോഷ്യൽ ആൻഡ് ചാരിറ്റബിൾ ഫോറത്തിന്റെ ഉദ്ഘാടന പരിപാടി കൂടിയായിരുന്നു ഇത്.