നെഹ്റു ട്രോഫി പള്ളാത്തുരുത്തിയുടെ വീയപുരം ചുണ്ടന്

ആവേശം അലതല്ലിയ അറുപത്തി ഒമ്പതാമത് നെഹ്റു ട്രോഫി വള്ളംകളിയില്‍ പള്ളാത്തുരുത്തി ബോട്ട് ക്ലബ്ബിന്റെ വീയപുരം ചുണ്ടന് കിരീടം. നാലു വള്ളങ്ങള്‍ മാറ്റുരച്ച ഫൈനലില്‍ 4.21.22 മിനിറ്റില്‍ ഫിനിഷ് ചെയ്താണ് അലൻ, എയ്ഡൻ കോശി അലൻ എന്നിവരുടെ  നേതൃത്വത്തിലുള്ള പള്ളാത്തുരുത്തി ബോട്ട് ക്ലബ്ബ് നെഹ്റു ട്രോഫിയില്‍ മുത്തമിട്ടത്.

കുമരകം ടൗൺ ബോട്ട് ക്ലബ്ബിന്റെ ചമ്പക്കുളം ചുണ്ടന്‍ രണ്ടാം സ്ഥാനത്തും (4.21.28 മിനുട്ട് ), യു.ബി.സി കൈനകരിയുടെ നടുഭാഗം ചുണ്ടൻ (4.22.22 മിനുട്ട് ), പോലീസ് ബോട്ട് ക്ലബ്ബിന്റെ മാഹാദേവിക്കാട് കാട്ടിൽ തെക്കതിൽ ചുണ്ടൻ (4.22.63 മിനുട്ട് ) യഥാക്രമം മൂന്നും നാലും സ്ഥാനങ്ങളിലും എത്തി. അഞ്ചു ഹീറ്റ്സുകളിലായിരുന്നു പ്രാഥമിക മത്സരം. മികച്ച സമയത്തിന്‍റെ അടിസ്ഥാനത്തിലാണ് ഫൈനല്‍ ബര്‍ത്ത് നിശ്ചയിച്ചത്.