മണികണ്ഠൻ മേലത്തിനെ യു.എ.ഇ. മ്യൂസിക് ലവേഴ്സ് അമിറ്റി ആദരിച്ചു
യു.എ.ഇ യിലെ വ്യവസായിയും ജിമാർക്ക് സി.ഇ.ഒ യും മാനേജിംഗ് ഡയരക്ടറുമായ മണികണ്ഠൻ മേലത്തിനെയും ഭാര്യ മിനി മേലത്തിനെയും മ്യൂസിക് ലവേഴ്സ് അമിറ്റി ആദരിച്ചു. കാഞ്ഞങ്ങാട്ട് ഈയിടെ ഉദ്ഘാടനം ചെയ്ത കേരളത്തിലെ ഏറ്റവും വലിയ കണ്‍വെന്‍ഷന്‍ സെന്ററായ ‘പലേഡിയ’ത്തിൻ്റെ സ്ഥാപകനാണ് മണികണ്ഠൻ മേലത്ത്.
യു.എ.ഇ യിലെ കൂട്ടായ്മയായ മ്യൂസിക് ലവേഴ്സ് അമിറ്റി ഭാരവാഹികളായ എം.ബാലഗോപാൽ, ശ്രീധരൻ വെള്ളോട്ട്, ഗണേഷ് മങ്കത്തിൽ, സുരേഷ് പുറവങ്കര, തമ്പാൻ പൊതുവാൾ, രാജ് മോഹൻ, ഹരി, മനോഹരൻ എന്നിവർ ചടങ്ങിൽ പങ്കെടുത്തു. ‘നൊസ്സ്റ്റാൾജിയ’ സംഗീത സായാഹ്നവും അരങ്ങേറി.
കാസർകോട് ജില്ലയിലെ കാഞ്ഞങ്ങാട്ടെ‘പലേഡിയം’. സെപ്റ്റംമ്പർ 10 ന് നടന്‍ സുരേഷ് ഗോപിയാണ് ഉദ്ഘാടനം ചെയ്തത്. പരിപാടികളില്‍ പങ്കെടുക്കുന്നവര്‍ക്ക് 360 ഡിഗ്രി കാഴ്ച അനുഭവമാണ് ‘പലേഡിയം’ നല്‍കുക. ആധുനിക സൗകര്യമുള്ള സെന്ററില്‍ 5000 പേരെ ഉള്‍ക്കൊള്ളാന്‍ കഴിയും. 4000 സീറ്റുകളാണ് ഉള്ളത്. ഒരു ലക്ഷം ചതുരശ്ര അടിയിലാണ് നാലുനില കെട്ടിടം.