യോഗ ഹൃദയ വിശുദ്ധിയിലേക്കുള്ള വഴി- ശ്രീഎം.
യോഗ എന്നത് ഹൃദയ വിശുദ്ധിയിലേക്കുള്ള പാതയാണെന്നും വിശ്വാസികൾക്കും അവിശ്വാസികൾക്കും യോഗയുടെ പാത സ്വീകരിക്കാമെന്നും ശ്രീഎം. പറഞ്ഞു.
തിരുവനന്തപുരം ജില്ലാ ലീഗൽ സർവീസസ് അതോറിറ്റിയും ജയിൽ വകുപ്പും സംയുക്തമായി തിരുവനന്തപുരം സെൻട്രൽ ജയിലിൽ സംഘടിപ്പിച്ച അന്തർദേശീയ യോഗ ദിനാചരണത്തോടനുബന്ധിച്ചു സംസാരിക്കുകയായിരുന്നു അദ്ദേഹം.
ജില്ലാ ലീഗൽ സർവീസസ് അതോറിറ്റി സെക്രട്ടറിയും സബ്‌ജഡ്ജുമായ കെ. വിദ്യാധരൻ അധ്യക്ഷത വഹിച്ച ചടങ്ങിൽ സംസ്ഥാന ജയിൽ വകുപ്പ് മേധാവി സുദേശ് കുമാർ മുഖ്യപ്രഭാഷണം നടത്തി. ദക്ഷിണമേഖലാ ജയിൽ ഡി.ഐ.ജി. എൻ.എസ്.നിർമലാനന്ദൻ നായർ, തിരുവനന്തപുരം സെൻട്രൽ ജയിൽ സൂപ്രണ്ട് ഡി.സത്യരാജ് എന്നിവർ സംസാരിച്ചു. ശ്രീ എം.ന്റെ നേതൃത്വത്തിൽ ജയിലിലെ അന്തേവാസികൾക്കായി യോഗ ഡെമോൺസ്‌ട്രേഷനും പരിപാടിയുടെ ഭാഗമായി നടന്നു.