ഗുരുവായൂർ ഉത്സവം: പ്രസാദ ഊട്ട് തുടങ്ങി

ഗുരുവായൂർ ഉത്സവത്തിൻ്റെ സവിശേഷതയായ ഉത്സവ കഞ്ഞിയും മുതിര പുഴുക്കും ഉൾപ്പെടുന്ന പ്രസാദ ഊട്ട് വിതരണം തുടങ്ങി. തെക്കേ നടയിലെ ശ്രീ ഗുരുവായൂരപ്പൻ ഓഡിറ്റോറിയത്തിലായിരുന്നു ഉദ്ഘാടന ചടങ്ങ്.  ക്ഷേത്രം തന്ത്രി പി.സി.ദിനേശൻ നമ്പൂതിരിപ്പാട്  ദീപം തെളിയിച്ചു.

ഇലയിട്ട പാള പാത്രത്തിൽ ദേവസ്വം ചെയർമാൻ ഡോ.വി.കെ.വിജയൻ കഞ്ഞിയും മുതിര ഇടിച്ചക്ക പുഴുക്കും വിളമ്പി. നാളികേര പൂളും ശർക്കരപ്പൊടിയും പിന്നാലെയെത്തി. തുടർന്ന് ദേവസ്വം ചെയർമാനും ഭരണ സമിതി അംഗങ്ങളായ  മല്ലിശേരി പരമേശ്വരൻ നമ്പൂതിരിപ്പാട്, സി.മനോജ്, കെ.പി.വിശ്വനാഥൻ, മനോജ് ബി നായർ, അഡ്മിനിസ്ട്രേറ്റർ കെ.പി.വിനയൻ എന്നിവർ ഭക്തജനങ്ങൾക്ക് പ്രസാദ ഊട്ട് വിളമ്പി.

ആയിരങ്ങളാണ് പ്രസാദ ഊട്ടിൽ പങ്കെടുക്കാൻ  കഞ്ഞിയും മുതിര പുഴുക്കിനും പുറമെ രാവിലെയും വൈകിട്ടും ഉത്സവ പകർച്ചയും ഭക്തർക്ക് നൽകുന്നു. രാവിലത്തെ പകർച്ചയ്ക്ക് രാവിലത്തെ വിഭവങ്ങളും വൈകിട്ട് ചോറ്, കാളൻ, ഓലൻ, പപ്പടം എന്നിവയുമുണ്ടാകും. പ്രസാദ ഊട്ടിനു മാത്രം 3.34 കോടി രൂപയാണ് എസ്റ്റിമേറ്റ്.