ഗുരുവായൂരപ്പന് വഴിപാടായി 36 പവൻ സ്വർണ്ണ കിരീടം

ഗുരുവായൂർ ക്ഷേത്രത്തിൽ വഴിപാട് സമർപ്പണമായി സ്വർണ്ണക്കിരീടം. 36 പവൻ വരുന്ന സ്വർണ്ണ കിരീടം സമർപ്പിച്ചത് തമിഴ്നാട് കല്ലാക്കുറിച്ചി സ്വദേശിയായ കുലോത്തുംഗൻ എന്ന ഭക്തനാണ്.

ദേവസ്വം ചെയർമാൻ ഡോ.വി.കെ. വിജയൻ കിരീടം ഏറ്റുവാങ്ങി. അഡ്മിനിസ്ട്രേറ്റർ കെ.പി. വിനയൻ, ക്ഷേത്രം ഡെപ്യൂട്ടി അഡ്മിനിസ്ട്രേറ്റർ പ്രമോദ് കളരിക്കൽ, ക്ഷേത്രം അസി.മാനേജർമാരായ കെ.രാമകൃഷ്ണൻ, കെ.കെ.സുഭാഷ്, സി.ആർ. ലെജുമോൾ, വഴിപാട് നടത്തിയ കുലോത്തുംഗന്റെ ഭാര്യ രേണുകാദേവി എന്നിവർ സന്നിഹിതരായി.

സമർപ്പണശേഷം കുലോത്തുംഗനും കുടുംബത്തിനും കളഭം, കദളിപ്പഴം, പഞ്ചസാര, ചാർത്തിയ തിരുമുടിമാല, പട്ട് എന്നിവ അടങ്ങിയ ഗുരുവായൂരപ്പൻ്റെ പ്രസാദകിറ്റ് നൽകി.