കൊച്ചി വിമാനത്താവളത്തിൽ സ്വാതന്ത്ര്യ ദിനാഘോഷം
കൊച്ചി അന്താരാഷ്ട്ര വിമാനത്താവളത്തിൽ (സിയാൽ) രാജ്യത്തിൻ്റെ 77–ാം സ്വാതന്ത്ര്യ ദിനാഘോഷങ്ങൾ നടന്നു. സിയാൽ മാനേജിങ് ഡയറക്ടർ എസ്. സുഹാസ് ദേശീയപതാകയുയർത്തി.
സിയാൽ അഗ്നിശമന സേനാവിഭാഗമായ എ.ആർ.എഫ്.എഫിന്റെയും വിമാനത്താവള സുരക്ഷാവിഭാഗമായ സി.ഐ.എസ്.എഫിന്റെയും പ്ലാറ്റൂണുകൾ പരേഡിൽ അണിനിരന്നു. ഇൻസ്‌പെക്ടർ നീരജ് റായ് ആയിരുന്നു പരേഡ് കമാൻഡർ. ഹെഡ് കോൺസ്റ്റബിൾ വെങ്കടേഷിന്റെ നേതൃത്വത്തിൽ സി.ഐ.എസ്.എഫ് ഡോഗ് സ്‌ക്വാഡിന്റെ അഭ്യാസപ്രകടനങ്ങളും ഉണ്ടായിരുന്നു.
സിയാലിൽ പുതുതായി നിർമിച്ച കൊടിമരത്തിന്റെ (ഫ്ലാഗ് മാസ്റ്റ്) ഉദ്ഘാടനം മാനേജിങ് ഡയറക്ടർ എസ്. സുഹാസ് നിർവഹിച്ചു. സി.ഐ.എസ്.എഫ് സീനിയർ കമാൻഡൻറ് സുനീത് ശർമ്മ, ഡെപ്യൂട്ടി കമാൻഡൻന്റ് പ്രേം എം.ജെ, എയർപോർട്ട് ഡയറക്ടർ മനു ജി, എക്സിക്യൂട്ടീവ് ഡയറക്ടർമാരായ സജി. കെ.ജോർജ്, ജയരാജൻ വി. തുടങ്ങിയവരും പങ്കെടുത്തു.