ലോങ് ജമ്പിനു പിന്നാലെ ഹൈ ജമ്പിലും അഖിലയ്ക്ക് സ്വര്‍ണം
സംസ്ഥാനസ്‌കൂള്‍ കായികമേളയില്‍ തിരുവനന്തപുരം ജി.വി.രാജ സ്‌പോര്‍ട്‌സ് സ്‌കൂളിലെ കെ.അഖില മോള്‍ക്ക് മേളയിലെ രണ്ടാമത്തെ സ്വര്‍ണം. സീനിയര്‍ പെണ്‍കുട്ടികളുടെ വിഭാഗത്തില്‍ ഹൈജമ്പില്‍ ആണ് ഞായറാഴ്ച അഖില സ്വര്‍ണ്ണം നേടിയത്.
1.53 മീറ്റര്‍ ചാടിയ അഖിലയ്ക്ക് പക്ഷേ തന്റെ മികച്ച പ്രകടനമായ1.63 മീറ്ററിലേക്കെത്താനായില്ല. ശനിയാഴ്ച നടന്ന ലോങ് ജമ്പിലും അഖില
സ്വര്‍ണ്ണം നേടിയിരുന്നു. 5.54 മീറ്റര്‍ ചാടിയാണ് ലോങ് ജമ്പില്‍ സ്വര്‍ണം നേടിയത്. പാലക്കാട് കൊല്ലംകോട് വളയില്‍ കുഞ്ഞിക്കുട്ടന്റെയും പ്രസന്നയുടെയും മകളാണ്.
സീനിയര്‍ പെണ്‍കുട്ടികളുടെ ഹൈജമ്പില്‍ മലപ്പുറം കടകശ്ശേരി ഐഡിയല്‍ ഇ. എച്ച്.എസ്.എസിലെ വിദ്യാര്‍ഥികളായ വി.പി. ഹരിപ്രിയ വെള്ളിയും ആന്‍ ആഷ്‌ലി മനോജ് വെങ്കലും നേടി.