കേരള മീഡിയ അക്കാദമി: പി.ജി. ഡിപ്ലോമ പരീക്ഷാഫലം പ്രഖ്യാപിച്ചു
കൊച്ചി കാക്കനാട് കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷനില്‍ ജേര്‍ണലിസം ആൻ്റ് കമ്യൂണിക്കേഷന്‍, പബ്‌ളിക് റിലേഷന്‍സ് ആൻ്റ് അഡ്വര്‍ടൈസിങ്, ടിവി ജേര്‍ണലിസം 2020-21 ലെ ബിരുദാനന്തര ഡിപ്ലോമ കോഴ്‌സുകളുടെ പരീക്ഷാഫലം പ്രഖ്യാപിച്ചു. ജേര്‍ണലിസം ആൻ്റ് കമ്യൂണിക്കേഷനില്‍ 1000 ല്‍ 698 മാര്‍ക്ക് നേടിയ ശിഷ്യാധീന സി.എസ് ഒന്നാം റാങ്കിന് അര്‍ഹത നേടി. 680 മാര്‍ക്ക് നേടി അപര്‍ണ.എസ് രണ്ടാം റാങ്കും 647 മാര്‍ക്കോടെ പൂജ ചന്ദ്രന്‍ മൂന്നാം റാങ്കും നേടി.
പബ്‌ളിക് റിലേഷന്‍സ് ആൻ്റ് അഡ്വര്‍ടൈസിങ്ങില്‍ 1000 ല്‍ 808 മാര്‍ക്ക് നേടി ഉമ നാരായണന്‍ ഒന്നാം റാങ്ക് നേടി. 783 മാര്‍ക്കോടെ നവനീത് രണ്ടാം റാങ്കും 780 മാര്‍ക്കോടെ പാര്‍വതി വി. നായര്‍ മൂന്നാം റാങ്കും നേടി. ടി.വി. ജേര്‍ണലിസത്തില്‍ 1000 ല്‍ 727 മാര്‍ക്കോടെ വിജയലക്ഷ്മി വി ഒന്നാം റാങ്കും 722 മാര്‍ക്കോടെ അക്ഷയ്കൃഷ്ണന്‍ രണ്ടാം റാങ്കും നേടി. 715 മാര്‍ക്ക് നേടിയ രാഹുല്‍ ജി നാഥിനാണ് മൂന്നാം റാങ്ക്.
ജേര്‍ണലിസം വിഭാഗത്തില്‍ ഒന്നാം റാങ്ക് നേടിയ ശിഷ്യാധീന ഉദ്യോഗമണ്ഡല്‍ ടി.സി.സി ജീവനക്കാരനായ സി.വി. സത്യന്റെയും
ഷൈല സത്യൻ്റെയും മകളാണ്. ജേര്‍ണലിസം വിഭാഗത്തില്‍ രണ്ടാം റാങ്കു നേടിയ അപര്‍ണ. എസ് തിരുവനന്തപുരം കുത്തുകാല്‍ നാറാണി ശ്യാമശ്രീയില്‍ കെ. ശ്രീകുമാരന്‍ തമ്പിയുടേയും എസ്. ശശികലയുടേയും മകളാണ്. ചെട്ടികുളങ്ങര കൈത വടക്ക് ജോയ് ഭവനില്‍ എസ്. ചന്ദ്രന്റേയും ഉഷ ചന്ദ്രൻ്റെയും മകളാണ് ജേര്‍ണലിസം വിഭാഗത്തില്‍ മൂന്നാം റാങ്കു നേടിയ പൂജ ചന്ദ്രന്‍.
പബ്‌ളിക് റിലേഷന്‍സ് വിഭാഗത്തില്‍ ഒന്നാം റാങ്ക് നേടിയ ഉമ നാരായണന്‍ കൊടകര കിഴക്കിനിയേടത്തുമന ഇ.എം. നാരായണന്‍
നമ്പൂതിരിയുടേയും എ.ആര്‍. ആര്യാദേവിയുടേയും മകളാണ്. ശ്രീകേഷ് ഉണ്ണികൃഷ്ണന്‍ ഭര്‍ത്താവാണ്. പബ്‌ളിക് റിലേഷന്‍സ് വിഭാഗത്തില്‍ രണ്ടാം റാങ്കു നേടിയ നവനീത് ഇടപ്പള്ളി മണിമല ക്രോസ് റോഡ് നാഷണല്‍ അവന്യു ഫ്‌ളാറ്റ് നമ്പര്‍ 804ല്‍ സി.കെ. സന്തോഷ് കുമാർ, കെ.എന്‍. മൈഥിലി ദമ്പതിമാരുടെ മകനാണ്. തൃപ്പൂണിത്തുറ എരൂര്‍ സൗത്ത് കോനാട്ട് എ.എസ്. .ആര്‍.എ 58ല്‍ കെ.എസ്. വിജയൻ്റെയും എസ് ജയലക്ഷ്മിയുടെയും മകളാണ് പബ്‌ളിക് റിലേഷന്‍സ് വിഭാഗത്തില്‍ മൂന്നാം റാങ്കു നേടിയ പാര്‍വതി വി. നായര്‍.
ടെലിവിഷന്‍ ജേര്‍ണലിസത്തില്‍ ഒന്നാം റാങ്ക് കരസ്ഥമാക്കിയ വിജയലക്ഷ്മി.വി. ആലപ്പുഴ വെള്ളക്കിണര്‍ പി. ആൻ്റ്.ടി ക്വാര്‍ട്ടേഴ്‌സില്‍
എം. വാസുദേവന്റേയും ടി. സുജാതയുടേയും മകളാണ്. ആലപ്പുഴ മുഹമ്മ മാളിയേക്കല്‍ എം.ജി. രാജേന്ദ്രന്റേയും വി.ആര്‍ രമാദേവിയുടേയും മകനാണ് രണ്ടാം റാങ്ക് നേടിയ അക്ഷയ്കൃഷ്ണന്‍. ഇപ്പോള്‍ കൈരളി ന്യൂസില്‍ ജേര്‍ണലിസ്റ്റ് ട്രെയിനി. ടി.വി.ജേര്‍ണലിസത്തില്‍ മൂന്നാം റാങ്ക് നേടിയ രാഹുല്‍ ജി നാഥ് കൊല്ലം തെക്കേവിള ഇന്ദീവരത്തില്‍ കെ.പി. ഗിരിനാഥിന്റേയും ലതയുടേയും മകനാണ്. മാതൃഭൂമി ന്യൂസില്‍ ട്രെയിനി ജേര്‍ണലിസ്റ്റ് ആണ്.