ഗവ. കോളേജ് ഓഫ് ടീച്ചർ എജുക്കേഷനിൽ അധ്യാപക നിയമനം

കോഴിക്കോട് ഗവ. കോളേജ് ഓഫ് ടീച്ചർ എജുക്കേഷനിൽ 2023-24 അധ്യയന വർഷത്തേക്ക് മലയാളം, സംസ്കൃതം, ഗണിതശാസ്ത്രം, സോഷ്യൽ സയൻസ്, ഫൗണ്ടേഷൻ ഇൻ എജുക്കേഷൻ, എജുക്കേഷണൽ ടെക്നോളജി എന്നീ വിഭാഗങ്ങളിൽ ഓരോ അതിഥി അധ്യാപകരെ നിയമിക്കുന്നു.

മെയ് 26 ന് രാവിലെ 10.30 ന് ഗണിതശാസ്ത്രം, 12.30 ന് സോഷ്യൽ സയൻസ്, ഉച്ചക്ക് 2.30 ന് ഫൗണ്ടേഷൻ ഇൻ എഡ്യൂക്കേഷൻ എന്നീ വിഷയങ്ങളിലേക്കും മെയ് 27 രാവിലെ 10.30 ന് മലയാളം,12.30 ന് സംസ്കൃതം, ഉച്ചക്ക് 2.30 ന് എഡ്യുക്കേഷണൽ ടെക്നോളി എന്നീ വിഷയങ്ങളിലേക്കും ഇന്റർവ്യൂ നടത്തുന്നതാണെന്ന് പ്രിൻസിപ്പൽ അറിയിച്ചു. ബന്ധപ്പെട്ട വിഷയത്തിൽ പിജി, എം.എഡ്, നെറ്റ് എന്നിവയാണ് യോഗ്യത പി.എച്ച്.ഡി, എം.ഫിൽ അഭികാമ്യം.

യോഗ്യരായവർ ബയോഡാറ്റ, പ്രായം, യോഗ്യത എന്നിവ തെളിയിക്കുന്ന സർട്ടിഫിക്കറ്റുകൾ സഹിതം പ്രിൻസിപ്പൽ മുമ്പാകെ ഹാജരാകേണ്ടതാണ്. അപേക്ഷകർ കോളേജ് വിദ്യാഭ്യാസ ഡെപ്യൂട്ടി ഡയറക്ടർ ഓഫീസിൽ രജിസ്റ്റർ ചെയ്തവരായിരിക്കണം. കൂടുതൽ വിവരങ്ങൾക്ക് ഫോൺ – 0495-2722792