കാപ്പിക്കുരുകൊണ്ട് കലാഭവന് മണിയുടെ ചിത്രം
കാപ്പിക്കുരുകൊണ്ടും ചിത്രം വരക്കാമെന്ന് തെളിയിച്ചിരിക്കുകയാണ് ഡാവിഞ്ചി സുരേഷ്. നാല്പതടി വലുപ്പത്തിലാണ് കാപ്പിക്കുരു കൊണ്ട് കലാഭവന് മണിയുടെ ചിത്രം വരച്ചിരിക്കുന്നത്. വയനാട്ടിലെ കൊളഗപ്പാറയില് എം കെ ജിനചന്ദ്രന്റെ വിജയ എസ്റ്റേറ്റിലുള്ള കാപ്പിക്കുരു ഉണക്കാനിടുന്ന കളത്തിലാണ് കലാഭവന്
മണിയോടുള്ള ആദരസൂചകമായി ഇത്രയും വലിയ ചിത്രം തീര്ത്തത്. മാര്ച്ച് ആറിനാണ് മണിയുടെ അഞ്ചാം ചരമ വാര്ഷിക ദിനം. നിരവധി മീഡിയങ്ങളില് ചിത്രം വരയ്ക്കുന്ന ഡാവിഞ്ചി സുരേഷിന്റെ അറുപത്തി എട്ടാമത്തെ മീഡിയമാണ് കാപ്പിക്കുരു. സുരേഷിന്റെ പ്രിയ സുഹൃത്ത്
നാടന് പാട്ടുകളിലൂടെ ശ്രദ്ധേയനായ ജാഫര് ഇല്ലത്തിൻ്റെ മണിചെട്ടനോടുള്ള ആരാധനയുടെ സമര്പ്പണമാണ് ഈ കാപ്പിക്കുരു ചിത്രം. സുരേഷിനെക്കൂടാതെ ജാഫര് ഇല്ലത്തും ക്യാമറാമേന് സിംബാദും വിഷ്ണുവും ആണ് വയനാട് യാത്രയില് ഉണ്ടായിരുന്നത്. കാപ്പിക്കുരു
ഉണക്കാനിടുന്ന വലിയ കളങ്ങളുടെ നടുവില് നാല്പതടി വലുപ്പമുള്ള വെള്ള തുണിയുടെ മുകളിലാണ് കാപ്പിക്കുരു നിരത്തി ചിത്രം വരച്ചത്.
നല്ല പൊരിവെയിലത്ത് എട്ടുമണിക്കൂര് സമയമെടുത്താണ് ചിത്രം തീര്ത്തതെന്ന് സുരേഷ് പറഞ്ഞു.