‘ഇന്ദ്രനീല’ ത്തിൻ്റെ രചനയുടെ ഓർമ്മകൾ
കെ.കെ.മേനോന്‍
“ഇന്ദ്രനീല”ത്തിന് ഒരു വയസ്സ് പൂർത്തിയാകുന്നു. കോവിഡ് കാലത്ത് ഒരു ജോലിയുമില്ലാതെ വീട്ടിൽ കഴിച്ചുകൂട്ടിയ നാളുകളിൽ പുത്തൻ ഉണർവും ഏറെ ഉന്മേഷവും നൽകിയ മോഹമായിരുന്നു ഒരു പുസ്തകം പ്രസിദ്ധീകരിക്കുക എന്നത്. കടമ്പകൾ ഏറെ കടക്കേണ്ടി വന്നപ്പോഴും, അനുനിമിഷം ഞാൻ മനസ്സിൽ പറഞ്ഞുകൊണ്ടേയിരുന്ന ഒരു മന്ത്രം ” ഈ ലോകത്ത് നിന്ന് വിടപറയുന്നതിനു മുൻപായി, എന്റെ കയ്യൊപ്പ് ഭൂമിയിൽ പതിഞ്ഞു കാണേണം “. ഈ വാക്കുകൾ തന്നെയാണ് മനസ്സിന് വേണ്ട ആത്മവിശ്വാസവും ധൈര്യവും പകർന്നു തന്നത്.
ഒരു പുസ്തക രചനയ്ക്ക് വേണ്ട ഘടകങ്ങൾ എന്തൊക്കെയാണ്, വിഷയങ്ങൾ തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെയാണ്,എന്നിങ്ങനെ ഒരു കാര്യത്തിലും എനിക്ക് നിർദ്ദേശങ്ങൾ നൽകുവാനോ, മാർഗ്ഗനിർദ്ദേശങ്ങൾ തന്ന് സഹായിക്കുവാനോ ആരും ഉണ്ടായിരുന്നില്ല. അതിന്റെയെല്ലാം ചില
കുറവുകൾ ഇന്ദ്രനീലം വായിച്ചപ്പോൾ നിങ്ങൾക്ക് അനുഭവപ്പെട്ടിട്ടുണ്ടാകാം. ഏതായാലും മുന്നോട്ടു വെച്ച കാൽ പിറകോട്ടില്ല എന്ന ദൃഡ നിശ്ചയത്തോടെ മാതാപിതാക്കളെയും ഗുരുജനങ്ങളെയും മൂകാംബിക ദേവിയെയും മനസ്സിൽ ധ്യാനിച്ച് എഴുത്തു തുടങ്ങി.
ആദ്യമായി ചില ഓർമ്മക്കുറിപ്പുകൾ, പിന്നെ ബാല്യകൗമാര കാലങ്ങളിലെ അനുഭവങ്ങൾ, പരിചയപ്പെട്ട പ്രതിഭകൾ, അവരുമായി സഹകരിച്ച് പ്രവർത്തിച്ച അനുഭവങ്ങൾ, അങ്ങനെ ഓരോ ലേഖനവും ഓരോ എഴുത്തനുഭവമായിരുന്നു. അനാമിക, ഇന്ദ്രനീലം,ചാന്താട്ടം എന്നീ കഥകൾ എഴുതുമ്പോൾ, ആ കഥകളിലെ കഥാപാത്രങ്ങൾക്ക് ജീവനും നിറവും നൽകി കഥയിലൂടെ മുന്നോട്ടു കൊണ്ട് പോയപ്പോൾ, എന്നിലെ എളിയ എഴുത്തുകാരനെ ഞാൻ തിരിച്ചറിയുകയായിരുന്നു.
കഥാപാത്രങ്ങളിലൂടെ സഞ്ചരിച്ച്, വായനക്കാരെ നോക്കുമ്പോൾ, വായനാരസം ഒട്ടും ചോർന്നു പോകാതെ ആ കഥ എങ്ങനെ മുന്നോട്ടു കൊണ്ടുപോകണമെന്ന് ആലോചിച്ച് മനസ്സിൽ ഏറെ സമ്മർദ്ദങ്ങൾ അനുഭവിച്ചിരുന്നു. ആ സമയങ്ങളിൽ പലപ്പോഴും മനസ്സിൽ ഉയർന്നുവന്ന വെല്ലുവിളികൾ, എഴുതാനുള്ള ഒരു വലിയ പ്രചോദനമായിരുന്നു. അനാമികയും, മൃണാളിനിയും, ദേവദത്തനും, രാജലക്ഷ്മിയും എനിക്കേറെ ഇഷ്ടപ്പെട്ട കഥാപാത്രങ്ങൾ തന്നെയാണ്.
അനാമികയുടെ കൂടെ ഞാൻ കുറെയധികം ദിവസങ്ങൾ ചെലവഴിച്ചപ്പോൾ അവളുടെ സംഗീതവും നൃത്തവും ജീവിതാനുഭവങ്ങളും എന്നെ ആശ്ചര്യപ്പെടുത്തിയിട്ടുണ്ട്. എല്ലാം ഉപേക്ഷിച്ച് എന്നോട് യാത്രപറഞ്ഞ് അവൾ പോയപ്പോൾ ഞാനറിയാതെ ഒരിറ്റു കണ്ണുനീർ ഞാൻ എഴുതിക്കൊണ്ടിരുന്ന കടലാസിൽ വീണു. അത്രക്കേറെ നൊമ്പരപ്പെടുത്തിയ അനാമികയെ വീണ്ടും കാണുവാൻ മനസ്സിൽ ഏറെ മോഹം കാത്തു സൂക്ഷിക്കുന്നു. അതുകൊണ്ടുതന്നെ കഥയുടെ ഒരു രണ്ടാം ഭാഗം എഴുതിക്കൊണ്ട് അനാമികയെ തിരിച്ചുകൊണ്ടു വന്നാലോ എന്നുകൂടി ഞാൻ ചിലപ്പോൾ ആലോചിക്കാറുണ്ട്.
ആചാരങ്ങൾ കാത്തുസൂക്ഷിക്കുവാനായി സ്വന്തം ജീവൻ ബലി കൊടുത്ത ദേവദത്തനും, അവന്റെ വിയോഗത്തിൽ മനസ്സു തകർന്ന് ആത്മഹത്യ ചെയ്ത രാജലക്ഷ്മിയും, വായനക്കാർക്കേറെ ഇഷ്ടപ്പെട്ട കഥാപാത്രങ്ങളായിരുന്നു എന്ന് എനിക്ക് ലഭിച്ച അഭിപ്രായങ്ങളിൽ നിന്നും മനസ്സിലാക്കിയപ്പോൾ അതെനിക്ക് നൽകിയ സന്തോഷത്തിന് അതിരുകളില്ല. ഇന്ദ്രനീലത്തിലെ കുറെ ലേഖനങ്ങൾ പ്രസിദ്ധീകരിച്ച jordays.in നൽകിയ സഹകരണവും പ്രോത്സാഹനവും ഞാൻ നന്ദിയോടെ സ്മരിക്കുന്നു. എല്ലാ വിമർശനങ്ങൾക്കും, പ്രോത്സാഹനങ്ങൾക്കും വായനക്കാരോട് നന്ദി പറയുന്നു.
ഒരു വയസ്സ് ആഘോഷിക്കുന്ന ഇന്ദ്രനീലത്തിന് എല്ലാ ഭാവുകങ്ങളും 💙💙💙💙👏👏👏👏👏👏
All the very best to Dear K.K for upcoming creations. Eagerly waiting for the next. May God bless
ആശംസകൾക്ക് നന്ദി🙏
ആശംസകൾക്കു വളരെ നന്ദി 😊🙏
ആശംസകൾക്ക് വളരെ നന്ദി!🙏😊
കെ കെ യുടെ ആത്മവിശ്വാസവും ധൈര്യവും ഇനിയും ഉയരങ്ങളിൽ എത്തിക്കട്ടെ.
ആശംസകൾക്കും പ്രോത്സാഹനത്തിനും നന്ദി!🙏
This magical writing has touched many milestones…. Congratulations!!🌹🌹Looking forward to more. My best wishes Kk.
Thank you for the encouraging comments and best wishes!🙏😊
ഇന്ന് ഇന്ത്രനീലത്തിനു ഒരു വയസ്സ്! ഹൃദയം നിറഞ്ഞ ആശംസകൾ!ഇന്ദ്രനീലത്തിലെ ഓരോ കഥാപാത്രങ്ങളും ഏത് പ്രകാരം കഥാകൃത്തിന്റെ ഹൃത്തിൽ നിറഞ്ഞു നിൽക്കുന്നുവോ അപ്രകാരം തന്നെ വായനക്കാരുടെ മനസ്സിലും മങ്ങാതെ മായാതെ നില കൊള്ളുന്നു. ഇനിയുമിനിയും അനേകം സൃഷ്ടികൾ പിറവി എടുക്കട്ടെ എന്ന് ആദ്മാർഥമായി ആശംസിക്കുന്നു. നന്മകൾമാത്രം നേർന്നു കൊണ്ട് മറ്റൊരു പിറവിക്കായി കാത്തിരിക്കുന്നു.
ഇന്ദ്രനീലം എനിക്ക് ഒരു മധുരാനുഭവമാക്കിയതിൽ താൻ നൽകിയ പ്രോത്സാഹനങ്ങൾക്കു ഏറെ പങ്കുണ്ടെന്നു ഞാൻ കരുതുന്നു. പുസ്തകത്തെ കുറിച്ചുള്ള അവലോകനം സുഹൃത്തുക്കൾക്കിടയിൽ വേണ്ട വിധത്തിൽ പ്രചരിപ്പിച്ചതിനു ആത്മാർത്ഥമായ നന്ദി പറഞ്ഞു കൊള്ളട്ടെ. നല്ല സുഹൃത്തുക്കളുടെ നിസ്സീമമായ സഹകരണവും തുറന്ന വിമർശനങ്ങളും ഒരു സൃഷ്ടിയെ വളരെയധികം സഹായിക്കുന്ന ഘടകങ്ങൾ ആണെന്ന് ഞാൻ വിശ്വസിക്കുന്നു. അനുമോദനങ്ങൾക്കും ആശംസകൾക്കും നന്ദി 🙏🙏🙏😊
Your perseverance and enthusiasm to write the book Indraneelam really admirable. I have finished the reading within no time.Can the readers expect another release soon
Thank you for the compliments and valuable comments. Next book may be launched sometime in oct/ nov as i see things from my side. Shall let u know.
I’m glad that Indraneelam is turning one. All the very best to my friend K.K. And it was released by the great Mattannoor.
Everyone will have similar or some different experiences and lots of anecdotes. To reminisce them and to pen it in a light reading style is a gift K.K. is bestowed with. May Puthanalkkavilamma bless KK to author many many more.
All the best Kochukrishnan.
Yes just completed a year, a year filled with expectations, excitements, small acheivements, happy interaactions with my readers etc and when i look back i feel happy and satisfied. Thank you for the compliments and valuable words of encouragedment & your best wishes.
ഇന്ദ്രനീലം!
ആകാശനീലിമയുടെ, നീലരാവിന്റെ, മനോഹാരിതപോലെ, ഒഴുകിയെത്തുന്ന അക്ഷരങ്ങള്‍ വാക്കുകളായ് വാചകങ്ങളായ്, കഥകളുടെ കലവറയായ്!!!
ഇനിയും, അമൂല്യമായ മനോഹരങ്ങളായ ഒരുപാട് കൃതികള്‍ സാറിന്റെ തൂലികയില്‍നിന്നും ജന്മംകൊള്ളട്ടെ എന്ന് ആശംസിക്കുന്നു!!!
നീലരാവിന്റെ സൗന്ദര്യവും മാദകത്വവും കുളിരും, പലപ്പൂവിന്റെ മയക്കുന്ന സുഗന്ധവും രാത്രിയുടെ രണ്ടാം യാമത്തിൽ ദൂരെയുള്ള കാവിൽനിന്നും കേൾക്കാറുള്ള കഥകളിപദങ്ങളും വള്ളുവനാട്ടിലെ ഒടിയൻ കഥകളും ഇപ്പോഴും ഓർമകളിൽ നിറഞ്ഞു നിൽക്കുന്നു….. അഭിനന്ദനങ്ങൾക്കും പ്രോത്സാഹനങ്ങൾക്കും ആത്മാർത്ഥമായ നന്ദി പറയുന്നു… 🙏🙏🙏
Very interesting Book and explanation also heart’ touching.
Thank you for the comments and encouraging words!🙏
This book indrnelamis simply marvelous Its presentation contents and characters everything is beyond my capacity to express. I read it twice I won’t miss another chance to read it waiting for the release of second bookall the best to you
I thank you for all the encouragement and support which gave me the confidence and willpower to write Indraneelam. Im happy you liked the content which will undoubtedly give me an extra push to pursue my literary skills. Thank you. 🙏😊
ആശംസകൾക്ക് നന്ദി 🙏
About this book indraneelam it is beyond my capacity to express it in words.The contents characters and the presentation every thing is simply marvelous I read it twice and I won’t miss a chance if I get to read the book again
Congratulations ! It was a good experience reading Indraneelam. Lot of characters in the book are still fresh in my mind especially Anamika.. wishing you the best and looking forward to the release of your next book.
Im happy you liked reading Indraneelam and that you remember the charactors like Anaamika even after reading the book almost a year back which is a great reward for a new writer and that too for the maiden venture. Thank you for the most sincere comments. 🙏😊
വർഷം ഒന്നുകഴിഞ്ഞെങ്കിലും ഇന്ദ്രനീലം എന്ന പുസ്തകത്തിലെ ഓരോ കഥാപാത്രങ്ങളും സന്ദർഭങ്ങളും ഇന്നും മനസ്സിൽ മായാതെ നിൽക്കുന്നു…ഇനിയും ഇതുപോലുള്ള രചനകൾ ആഗ്രഹിക്കുന്നു..
ഏതൊരു സർഗ്ഗസൃ ഷ്ടിക്കും ലഭിച്ചേക്കാവുന്ന ഏറ്റവും വലിയ അംഗീകാരമാണ് അനുവാചകൻ, ആ കഥകളിലെ കഥാപാത്രങ്ങളെ ഉൾക്കൊള്ളുന്നതും , അവയെ ഒരു വർഷത്തിന് ശേഷവും ഓർമ വെക്കുന്നതും… ഞാൻ ഏറെ സന്തുഷ്ടനാണ് എന്നു പറയുമ്പോൾ ഒരു സുഹൃത്തിന്റെ പ്രോത്സാഹജനകമായ വാക്കുകൾ തന്നെയാണ് ഒരു എ ഴുത്തുകാരന് ലഭിക്കാവുന്ന ഊർജവും ആത്മവിശ്വാസവും എന്ന് കൂടി പറയട്ടെ… വളരെ നന്ദി…..🙏😊
ഇന്ദ്രനീല ത്തിനു ഒരു വയസ്സായി എന്ന് കേട്ടപ്പോഴാണ് സത്യത്തിൽ സമയവും കാലവും എത്ര പെട്ടെന്നാണ് പോകുന്നതെന്ന് ഒരിക്കൽക്കൂടി ആലോചിച്ചത്…. എന്തായാലും ഒരു വയസ്സായ ഇന്ദ്രനീലത്തിനു എല്ലാവിധ ഭാവുകങ്ങളും നേരുന്നു… ഒപ്പം KK പറഞ്ഞപോലെ ഇതിന്റെ രണ്ടാം ഭാഗത്തിനായും ആഗ്രഹിക്കുന്നു. Covid കാലത്തെ എനിക്ക് മറക്കാനാകാത്ത ഒരു അനുഭവം കൂടിയാണ് ഇന്ദ്രനീലം…. കാരണം ഒറ്റയിരുപ്പിൽ എന്റെ ജീവിതത്തിൽ വായിച്ച ആദ്യ പുസ്തകം കൂടിയായിരുന്നു അത്. 😍അനാമിക, രാജലക്ഷ്മി, ദേവദത്തൻ.. ഒക്കെ എന്റെ മനസ്സിൽ ഇപ്പോഴും നിറഞ്ഞുനിൽക്കുന്നു.. അത് KK യുടെ കഥ പറഞ്ഞ രീതിയും പിന്നെ അതിലെ ചിത്രങ്ങളും .. ഒക്കെ ആവാം കാരണം… സങ്കൽപ്പങ്ങളാണെന്നു തോന്നുകേയില്ല… KK പറഞ്ഞ പോലെ യുള്ള എഴുത്തിലുള്ള പരിചയക്കുറവുകളൊന്നും അതിൽ കാണാനില്ല… അതുകൊണ്ട് തന്നെ ഇതിന്റെ രണ്ടാം ഭാഗത്തിനായും കാത്തിരിക്കാമെന്നു തോന്നുന്നു…. ആ കാത്തിരുപ്പ്. ഇന്ദ്രനീലത്തിന്റെ ആദ്യഭാഗം പോലെ തന്നെ worthy ആകുമെന്ന് ഉറപ്പാണ്.. അപ്പോൾ തീർച്ചയായിട്ടും ഇവിടെ എല്ലാ ഭാവുകങ്ങളും അങ്ങയുടെ എഴുത്തിനും അങ്ങേയ്ക്കും.. ഇന്ദ്രനീ ലത്തിനും ഹൃദയം നിറഞ്ഞു നേരുന്നു 🙏
ഇന്ദ്രനീലത്തിന് ഒരു വയസ്സായി എന്നാലോചിക്കുമ്പോൾ ആണ് ,എത്ര വേഗമാണ് ഒരു വർഷം കടന്നു പോയത് എന്ന സത്യം നാം തിരിച്ചറിയുന്നത് . ഇന്ദ്രനീലം എനിക്ക് സമ്മാനിച്ച എഴുത്തനുഭവം ഏറെ സന്തോഷവും വെല്ലുവിളികളും നിറഞ്ഞതായിരുന്നു. എന്നെന്നും ഓർക്കാൻ കുറെ നല്ല ഓർമകൾ തന്നെങ്കിലും, അനാമികയും, മൃണാലിനിയും, ദേവദത്തനും എന്റെ മനസ്സിൽ ബാക്കി വെച്ച നൊമ്പരങ്ങളും വളരെയേറെയാണ്…. എന്തിനാണ് അനാമിക ആരോടും യാത്ര പറയാതെ പോയത്?… മൃണാലിനി ആത്മഹത്യ ചെയ്തതെന്തിന്?… ദേവദത്തൻ മരിച്ചത് ദേവകോപം മൂലമാണോ?… അങ്ങിനെ എന്തിനു ചിന്തിക്കുന്നു? ഇങ്ങിനെ മനസ്സിൽക്കൂടി കടന്നു പോയ വികാരവിചാരങ്ങൾ നരവധിയാണ്. എഴുത്തുകാരൻ ഒരു കടലാസ്‌തോണി പോലെയാണ്, അതൊഴുക്കി വിടുന്നു… തീരാത്തെത്തുമോ എന്നറിയാതെ… എഴുത്തിനു ലഭിക്കുന്ന പ്രതികരണങ്ങൾ മാത്രമാണ് എഴുത്തുകാരന്റെ വിശപ്പടക്കുന്നത്… അഭിപ്രായങ്ങൾക്കും അനുമോദനങ്ങൾകും നന്ദി….. 🙏😊
ഇന്ദ്രനീലം പോലെ മനോഹരമായ ധാരാളം സൃഷ്ടികൾ അങ്ങയിൽ നിന്നും ഇനിയും പ്രതീക്ഷിച്ചുകൊണ്ട് എല്ലാ നന്മകളും നേരുന്നു. 🙏❤️
എന്നും എനിക്ക് നൽകാറുള്ള പ്രോത്സാഹനങ്ങൾ പോലെ, ഞാൻ അജയന്റെ ഈ അനുമോദനങ്ങളും, ഏറ്റവും സന്തോഷത്തോടെ സ്വീകരിക്കുന്നു.. ആത്മാർത്ഥമായ നന്ദിയും പറഞ്ഞു കൊള്ളട്ടെ…🙏😊